Farg‘ona xalqaro aeroportida yangi jo‘nab ketish zali qurilishi nihoyasiga yetkazilib, yo‘lovchilarga xizmat ko‘rsatish darajasini sezilarli darajada oshirish, viloyatning turizm salohiyatini kengaytirish imkonini beradi.

Ilgari mavjud bo‘lgan 450 kv.m. zal soatiga 200-220 yo‘lovchiga xizmat ko‘rsatgan bo‘lsa, endi umumiy maydoni 1550 kv.m bo‘lgan yangi, keng majmua 550-600 kishiga xizmat ko‘rsatish imkonini beradi. Bu bir vaqtning o‘zida uchta xalqaro reysga to‘g‘ri keladi.

Yangi uchish zali zamonaviy uslubda yaratilgan bo‘lib, xalqaro standartlarga javob beradi. Birinchi qavatda hojatxonalar, ikkinchi qavatda kafe va kutish joylari mavjud. Kelajakda bu yerda “Duty Free” do‘koni ham paydo bo‘ladi.

Kelgusida mazkur binoda yo‘lovchilar, sayyohlar va shahar mehmonlari uchun qo‘shimcha xizmatlar yo‘lga qo‘yiladi, bu esa Farg‘ona aeroportining sayohatchilar uchun yanada qulay va jozibador bo‘lishiga xizmat qiladi.

• Aeroport
• Farg‘ona
• Sayyoh
• ta’mirlash