Kecha, 23-noyabr kuni soat 11:45 larda Uchko‘prik tumani “Mehnatobod” mahallasi  hududidan o‘tgan A-373 “Toshkent-O‘sh” avtomobil yo‘lining 241-km.da harakatlanib ketayotgan Lacetti-2, Lacetti, DAF FTXF, HOWO, Hyundai Porter rusumli transport vositalari hududdagi tuman sharoitida masofani saqlamaganligi oqibatida jami 7 ta yuk va yengil avtomobillar ishtirokida YTH sodir bo‘lgan. Bu haqda Farg‘ona viloyati IIB axborot xizmati xabar berdi.

Mazkur holat yuzasidan Uchko‘prik tuman IIB tomonidan jinoyat kodeksining 266-moddasiga asosan jinoyat ishi qo‘zg‘atilib, dastlabki tergov harakatlari olib borilmoqda.

“Hurmatli fuqarolar yuqoridagi YTH ni sodir bo‘lishiga hududdagi qalin tuman sabab bo‘lgan. Haydovchilardan tumanli, ko‘rish masofasi chegaralangan sharoitda tezlikni oshirmaslikni, oraliq masofani saqlab avtomobil boshqarishlarini so‘rab qolamiz”, – deyiladi xabarda.

• Farg‘ona
• YTH