FIFA Prezidenti Janni Infantino boshchiligidagi delegatsiya O‘zbekistonga tashrif buyuradi. Bu haqda O‘FA ma’lum qildi.
Qayd etilishicha, joriy yilning 5–6-may kunlari Oʻzbekistonda futbolni ommalashtirish yoʻlida olib borilayotgan ishlar bilan yaqindan tanishish hamda mamlakatda futbolni yanada rivojlantirishga oid hamkorlik loyihalarini muhokama qilish maqsadida FIFA Prezidenti Janni Infantino boshchiligidagi delegatsiya O‘zbekistonga tashrif buyuradi.
Delegatsiya tashrif davomida mamlakat futbol infratuzilmasi bilan tanishishi, FIFA bilan hamkorlikda tashkil etilayotgan Terma jamoalar bazasini (“Doʻstlik”) koʻzdan kechirishi, shuningdek, Oʻzbekiston futbol assotsiatsiyasi mutasaddilari bilan uchrashuvlar oʻtkazishi kutilmoqda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!