Rossiya Xavfsizlik kengashi rais o‘rinbosari Dmitriy Medvedev Fransiyada prezident yo‘qligini aytdi. Unga ko‘ra, Makron Fransiya manfaatidan ko‘ra Kiyev va G‘arbni ustun qo‘ymoqda.

Bu izohni Medvedev Fransiya bosh vaziri Sebastyen Lekornuning iste’fosi ortidan bildirgan. Yangi hukumat atigi 14 soat faoliyat yuritgan.

Medvedev Telegram’da: “Fransiyada prezident yo‘q. Mamlakat — Kiyevning yuristi, Germaniya va Britaniyaning do‘sti, Afrikada esa neokolonial hakam”, — deb yozdi.

Ma’lumot uchun, Lekornu 9-sentyabrda tayinlangan, ammo yaqinda iste’foga chiqqan. Fransiyada hozir siyosiy tanglik, davlat xarajatlari qisqarishi va ijtimoiy o‘zgarishlarga qarshi noroziliklar kuchaymoqda. 2-oktyabr kuni 200 dan ortiq shaharda namoyishlar o‘tkazilgan, Eyfel minorasi xizmat ko‘rsatish uchun vaqtincha yopilgan.

• Fransiya
• Germaniya
• Rossiya