“5-oktyabr kuni bo‘lib o‘tgan ovoz berish jarayoni bevosita emas, balki mintaqaviy saylov kollegiyalari orqali amalga oshirilgan. Bu tartibga ko‘ra, yangi parlamentga jami 210 deputat kiradi, ularning 140 nafari mintaqaviy komissiyalar orqali saylanadi, qolgan 70 nafari esa muvaqqat prezident Ahmad ash-Shara tomonidan tayinlanadi. Deputatlarning vakolat muddati 30 oy etib belgilangan, zarur bo‘lsa, bu muddat uzaytirilishi ko‘zda tutilgan”, – deya xabar bermoqda Associated Press.

Ma’lum qilinishicha, xavfsizlik choralari sababli joriy yil yozda druzlar va badaviylar o‘rtasida to‘qnashuvlar sodir bo‘lgan janubdagi As-Suvayda viloyatida, shimoliy-sharqdagi Al-Hasaka viloyatida va hanuz Suriya demokratik kuchlari nazoratidagi shimoldagi Ar-Raqqa viloyatida saylovlar o‘tkazilmagan. Shu bois 32 deputatlik o‘rni bo‘sh qoladi.

“Saylovda 1578 nafar nomzod qatnashdi, ulardan atigi 14 foizi ayollar. Nomzodlardan sobiq Asad rejimini qo‘llab-quvvatlamaslik va separatizm g‘oyalarini ilgari surmaslik talab qilingan”, – deb yozadi nashr.

• Hukumat
• Parlament
• Suriya
• saylov