Amerika Qo‘shma Shtatlari Ukrainaga Rossiyaning energetika infratuzilmasiga uzoq masofali raketalar orqali hujumlar uyushtirishda foydalanishi mumkin bo‘lgan razvedka ma’lumotlarini yetkazib beradi. Ushbu qaror Tramp ma’muriyati Ukrainani uzoq masofali qurollar bilan ta’minlash masalasini ko‘rib chiqayotgan bir paytda qabul qilingan. Vashington bungacha ham Kiyev bilan razvedka ma’lumotlarini muntazam bo‘lishib kelgan.

Xabarda qayd etilishicha, yuzaga kelgan yangi vaziyat Ukraina tomoniga Rossiyaning muhim iqtisodiy manbalari — xususan, neftni qayta ishlash zavodlari, quvurlar, elektr stansiyalari kabi strategik obyektlarga zarba berish orqali Kremlni neft va energiyadan tushadigan daromadlardan mahrum etish imkonini kengaytiradi.

Shuningdek, AQSh o‘zining NATOdagi ittifoqchilariga ham shunga o‘xshash razvedka ko‘magini Ukrainaga ko‘rsatishni so‘ragan

Bu orada, Ukraina Prezidenti Vladimir Zelenskiy BMT Bosh Assambleyasi doirasida Nyu-York shahrida bo‘lib o‘tgan uchrashuvda AQSh prezidenti Donald Trampdan Kiyevga Tomahawk rusumidagi uzoq masofali qanotli raketalarni yetkazib berishni so‘ragan.

• AQSh
• BMT
• NATO
• Rossiya
• Zelenskiy