Isroilning G‘azo sektorida 2023-yil 7-oktyabrdan beri davom etgan tajovuzi natijasida halok bo‘lgan falastinliklar soni 36 ming 284 nafarga yetdi, yana 82 ming 57 nafari yaralandi. Bu haqda G‘azo sektoridagi Falastin sog‘liqni saqlash vazirligi bayonotida aytiladi, deya xabar bermoqda “Anadulu”.

Departament ma’lumotlariga ko‘ra, so‘nggi 24 soat ichida anklavning yana 60 nafar fuqarosi halok bo‘lgan, 280 nafari jarohatlangan.

Falastin Sog‘liqni saqlash vazirligi so‘nggi 24 soat ichida Isroil qo‘shinlari G‘azo sektorining turli hududlarida 5 ta “ommaviy qotillik” sodir etganini ma’lum qilgan.

Xabarda qayd etilishicha, halok bo‘lganlarning jasadlari hamon vayron bo‘lgan binolar vayronalari ostida va yo‘l chetlarida qolmoqda. Tez yordam va fuqaro mudofaa guruhlari Isroil kuchlarining to‘siqlari tufayli ularga yetib bora olmayapti.

• Falastin
• Qurbon