Kecha, 1-fevral kuni G‘azo aholisini Misr bilan bog‘lovchi Rafah chegara o‘tkazish punkti qisman o‘z faoliyatini boshladi. Bu haqda Isroil Mudofaa vazirligi huzuridagi Falastin fuqarolik masalalarini muvofiqlashtiruvchi COGAT idorasiga tayanib Middle East Eye nashri ma’lum qildi.

Ma’lum qilinishicha, Rafah punkti to‘liq faoliyat ko‘rsatmaydi. Faqat cheklangan aholining chegarani kesib o‘tishiga ruxsat beriladi. Qaror xalqaro jamoatchilik, jumladan, gumanitar tashkilotlar tomonidan bir necha oydan buyon bildirib kelinayotgan e’tirozlardan so‘ng qabul qilingan.

Rafah o‘tkazish punkti Isroil G‘azo sektoriga hujum qilib, kamida 31 nafar falastinlikning o‘limiga sabab bo‘lganidan bir kun o‘tib ochildi. Bu o‘tgan yilning oktyabr oyida jangovar harakatlarni to‘xtatish bo‘yicha kelishuvga erishilganidan so‘ng Isroil sulhni buzgan birinchi holat emas, yahudiy davlatining XAMASni “nishonga olish”i oqibatida mudom G‘azodagi tinch aholi aziyat chekmoqda.

• Chegara
• Falastin
• Misr