Germaniya politsiyasi va bojxona xodimlari Myunxen va Tegernze shaharlarida Rossiyaning Ukrainaga bostirib kirishi sababli Yevropa sanksiyalari ostida qolgan oligarx, milliarder Alisher Usmonovga tegishli bo‘lgan bir qancha mulklarni tintuv qilgani aytilmoqda.
Ma’lum bo‘lishicha, Germaniya bojxona organlari tomonidan sanksiyalar bo‘yicha tuzilgan “Matreshka” maxsus komissiyasi tintuvlar sud qarori asosida o‘tkazilganini ma’lum qilgan. Germaniya rasmiylari rossiyalikning ismini oshkor qilmagan. Aytilishicha, gap milliarder o‘zbekistonlik Alisher Usmonov haqida ketmoqda.
Germaniya nashrlarining yozishicha, politsiya Usmonovning Bavariyaning Rottax-Egern shahrida, Tegernzi ko‘li qirg‘og‘idagi villasiga reyd uyushtirganini da’vo qilmoqda. Uydan qimmatbaho buyumlar, jumladan, Mercedes Maybach S500 kabi hashamatli avtomobillar musodara qilingan.
“Germaniya huquq-tartibot idoralarining Alisher Usmonovga nisbatan xatti-harakatlari katta hayrat va sharmandalik hissini uyg‘otmoqda. Usmonov vakillari tintuvlar unga tegishli obyektlarda o‘tkazilganini inkor etmoqda. Milliarder o‘zi asos solgan trest aktivlari ustidan nazorat qilish huquqiga ega emas va trestga tegishli mol-mulk bilan hozir nima bo‘layotganini bila olmaydi”, deyiladi tadbirkorning matbuot xizmati munosabatida.
Milliarderning matbuot xizmati qidiruvlarni qo‘rqitishning navbatdagi epizodi deb atagan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!