Google 2023-yilning 6-dekabrida Google DeepMind kompaniyasi tomonidan ishlab chiqilgan multimodal katta til modeli – Gemini’ni e’lon qildi.

Gemini bir vaqtning o‘zida matn, tasvir, audio, video ma’lumotlar va dastur kodlarini qayta ishlash imkoniyatiga ega bo‘lgan, ko‘p vazifali tilni tushunish masalalarini hal qilishda inson ekspertlardan ustun bo‘lgan birinchi sun’iy intellekt modeli hisoblanadi.

Gemini Ultra 57 ta fanga oid masalalarni hal qilishda 90% aniqlik bilan inson ekspertlarni ortda qoldirdi. Savollarga javob berishda inson ekspertlar 89,8% aniqlikka, GPT-4 modeli 86,4% aniqlikka erishgan.

Gemini Ultra matematika faniga oid turli darajadagi masalalarni yechishda ham yuqori natijalarni ko‘rsatdi. Gemini Ultra 8 500 ta maktab matematikasiga oid matnli masalalarni yechishda 94,4% (GPT-4 92,0%) aniqlikka erishdi.

Gemini Ultra rasm, diagramma, xarita, jadval, musiqa notasi, kimyoviy tuzilma va matn kabi turli elementlardan tashkil topgan 11 550 ta savollarni 62,4% qismini to‘liq hal qila oldi. Ushbu savollar rasm, infografika, diagramma, chizma, xarita, jadval, musiqa notasi, kimyoviy tuzilma va matn kabi turli elementlardan tashkil topgan. Gemini Ultra ushbu savollarning 62,4% qismini to‘liq hal qilib, eng yaxshi natijani (GPT-4 56,8%) yangiladi.

• Innovatsiya
• texnologiya