Gruziyada Ichki ishlar vazirligi qutqaruvchilari mamlakat shimoli-sharqidagi Dusheti shahrida qor qoplagan yo‘lda o‘nlab odamlarni mashinadan tushirishga yordam bergan. Bu haqda “Mir 24” xabar berdi.

Qayd etilishicha, bir kun avval bu hududda qor ko‘rinishidagi kuchli yog‘ingarchilik kuzatilgan. Natijada 30 ga yaqin avtomobil yo‘lda davom eta olmagan. Mashinada esa 90 kishi bo‘lgan.

Aniqlanishicha, maxsus jihozlar yordamida odamlarga mashinadan tushishga yordam berishgan. Undan so‘ng esa hamma xavfsiz joyga olib ketilgan.

• Gruziya
• Qor