Raqobat qo‘mitasiga BFQ reklamalariga ishonib sotib olgan, biroq ularni iste’moli sabab sog‘ligi yanada yomonlashgan fuqarolardan ko‘plab murojaatlar kelib tushmoqda. Shu sabab qo‘mita ushbu mahsulotlar savdosi bilan shug‘ullanayotganlarni ogohlantirdi.

Ijtimoiy tarmoqlarda biologik faol qo‘shimchalar reklamasi “ming bir xastalikka davo” sifatida, “mo‘jizakor” ta’siri haqida iste’molchilarni chalg‘itadigan yolg‘on yoki noaniq iboralar asosida joylashtirilishi iste’molchilarning rejali (an’anaviy) davolashdan voz kechib, o‘z-o‘zini davolash usullarini keng qo‘llanilishiga, hattoki fojiali holatlarga sabab bo‘lmoqda.

Bunday mahsulotlarni diniy blogerlar tomonidan bevosita reklama qilinishi iste’molchilarni chalg‘itib, ularda ushbu mahsulotlarni dori vositasi va davolash xususiyatiga ega ekanligi haqida yanglish fikrlar shakllanishiga hamda ularni iste’mol qilinishiga undamoqda.

Qo‘mitaga reklamalarga ishonib, aynan shu kabi mahsulotlarni sotib olgan, biroq ularni iste’moli natijasida sog‘ligi yanada yomonlashganligi to‘g‘risida fuqarolardan ko‘plab murojaatlar kelib tushmoqda.

Ta’kidlanishicha, joriy yilning o‘tgan davrida BFQlar bo‘yicha 1 mingtaga yaqin murojaatlar ko‘rib chiqilib, iste’molchilarga 118 mln so‘m moddiy zararlar qoplanishi ta’minlangan.

• raqobat
• reklama