Uzoq vaqt davomida Bayden ma’muriyati Ukrainaga piyodalarga qarshi minalarni berishdan bosh tortib kelgan, chunki ular tinch aholi uchun katta xavf tug‘dirar edi.

The Washington Post nashrining yozishicha, endilikda, Pentagon Kiyevga piyodalarga qarshi minalarni yetkazib berish Rossiya armiyasining hujumini sekinlashtirish uchun muhim qadamlardan biri deb hisoblaydi.

Amerikalik jurnalistlarning so‘zlariga ko‘ra, AQSh “beqaror turdagi” minalarni yetkazib beradi. Bu turdagi minalar bir necha kun yoki hafta davomida zararsizlanadi va tinch aholi uchun xavf tug‘dirmaydi.

Ukraina hukumati, o‘z navbatida, Bayden ma’muriyatiga aholi zich joylashgan hududlarda piyodalarga qarshi minalar o‘rnatmaslikka va’da berdi.

Kreml matbuot kotibi Dmitriy Peskov minalarning Ukrainaga yetkazib berilishi haqidagi yangiliklarga munosabatida, ushbu xabarlarning to‘g‘riligiga shubhasi borligini bildirgan.

• Bayden
• Peskov
• Ukraina