Bulutli va yomgʻirli havo tufayli yuzaga keladigan bosh ogʻriqlarining oldini olish mumkinmi? Bu haqida oftalmolog Irina Leshenko soʻz yuritdi.

Shifokorning aytishicha, tabiiy yorugʻlikning yetishmasligi kuchli bosh ogʻrigʻiga olib keladi. Koʻzlarning charchashi oqibatida odamni uyqu bosadi. Bunday vaqtda uxlashga yotgan bilan miya faol tarzda ishlashda davom etaveradi. Charchagan koʻzlarga qoʻl bilan tinimsiz ravishda teginish oqibatida koʻzlar va bosh qismida ogʻriq kelib chiqadi.

Mutaxassis bulutli kunlarda yuzaga keladigan bosh ogʻriqlarining oldini olish uchun xonadagi yorugʻlik darajasini oshirishni tavsiya qilgan.

“Ish joyining toʻgʻri yoritilishi juda muhim. Bulutli kunlarda odamlar koʻzlarining charchab qolmasligi uchun 10-12 soat davomida chiroqni yoqib qoʻyishadi. Bunday holatda telefon yoki boshqa turdagi gadjetlarning yorugʻligidan foydalanib boʻlmaydi. Agar xona qorongʻi boʻlsa, gadjetlar oʻzidan chiqarayotgan yorugʻlik koʻzlarga ikki karra koʻproq zarar yetkazadi va bosh ogʻrigʻini keltirib chiqaradi”, deydi mutaxassis.

• Foydali
• salomatlik