200 yildan beri nashr etiladigan, tibbiyot sohasida dunyodagi eng nufuzli jurnallardan biri — “The Lancet” o‘z maqolasida O‘zbekistondagi tibbiyot islohotlarini boshqalarga namuna sifatida ta’kidladi.

Maqolada bolalar saratoni va qon kasalliklariga qarshi kurashda global sa’y-harakatlar yetarli emasligi qayd etilgan. Ayniqsa, kam va o‘rta daromadli davlatlarda bu sohadagi tengsizlik jiddiy muammo sanaladi.

Masalan: Saratonga chalingan bolalarning 30 foizidan kami omon qoladi. O‘roqsimon anemiyaga chalingan chaqaloqlarning yarmi 5 yoshga yetmay vafot etadi.

O‘zbekiston esa bu borada namunali yondashuvni ko‘rsatgan: Prezident farmoni bilan bolalar saratoniga qarshi milliy strategiya qabul qilindi;

Toshkentdagi xalqaro akademik markaz — mintaqaviy innovatsion markazga aylanmoqda;

Davolash, parvarish va kadrlar tayyorlashda yagona yondashuv joriy etilmoqda.

“The Lancet” bu islohotlar O‘zbekistonning global sog‘liqni saqlash kun tartibiga mos qadamlar qo‘yayotganini ko‘rsatadi, deb ta’kidlagan.

• Tibbiyot
• Toshkent