So‘nggi bir oy ichida Maharashtra va Madhya Pradesh shtatlarida kamida 14 nafar bola vafot etgani bunga sabab bo‘ldi. Bolalarda dastlab shamollash alomatlari kuzatilgan, keyinchalik ularning ahvoli og‘irlashib, buyrak yetishmovchiligi va hushdan ketish holatlari qayd etilgan.

Rasmiylar vafot etgan bolalarning uyidan topilgan siroplarni vaqtincha sotishni to‘xtatdi. Ayrim mutaxassislar zaharlanish, boshqalari esa kamyob Chandipura virusi sabab bo‘lishi mumkinligini taxmin qilmoqda.

Hozirda 22 ta sirop partiyasi taqiqlangan. Rajastanda ham bir necha bola sirop ichgach vafot etgan, hatto bir shifokor uning xavfsizligini tekshirish uchun ichib hushidan ketgan.

Eslatib o‘tamiz, 2022-yilda O‘zbekistonda ham Hindistonda ishlab chiqarilgan “Dok-1 Maks” siropi sabab 69 nafar bola halok bo‘lgandi.

• Dori
• Hindiston
• taqiq