Namangan shahrida yashovchi shaxs Chust tumanida istiqomat qiluvchi 4 nafar fuqaroni “Haj-2026” mavsumida islom dinining asosiy farzini ado etish uchun ularni noqonuniy yo‘llar bilan Saudiya Arabistoniga yuborishni va’da qilgan.

U mazkur “xizmat” evaziga jami 26 ming AQSh dollari talab qilgan.

Davlat xavfsizlik xizmati va Ichki ishlar organlari xodimlari hamkorligida Chust tumanida o‘tkazilgan tezkor tadbir davomida u so‘ralgan pul mablag‘idan 6 ming AQSh dollarini olayotgan vaqtida ashyoviy dalillar bilan ushlandi.

Hozirda ushbu holat bo‘yicha unga nisbatan Jinoyat kodeksining 168-moddasi (firibgarlik) 4-qismi “a” bandi bilan jinoyat ishi qo‘zg‘atilgan. Tergov harakatlari olib borilmoqda.