Ma’lumotlarga ko‘ra, Hindistonning Andxra-Pradesh shtatida ikkita yoʻlovchi tashish poyezdi to‘qnashib ketgan. Ularning bittasi tezyurar poyezd boʻlib, uning toʻxtab turgan yoʻlovchi poyezdi bilan toʻqnashishi oqibatida kamida oʻn uch kishi halok boʻlgan. Bu haqda mahalliy nashrlar xabar berdi.

Xabarga koʻra, tezyurar poyezd Vishakapatnam shahridan Raigadga yoʻlovchilarni olib ketayotganida, u harakatlanayotgan temir yoʻl relsida yoʻlovchi poyezdlaridan bittasi toʻxtab turgan.

Toʻqnashuv natijasida vagonlar relsdan chiqib ketgan. Yoʻlovchi poyezdi esa Andxra-Pradesh shtatidagi Vizag shahridan Rayagadu shahriga ketayotgan boʻlgan. Uning toʻxtab qolishiga, havo kabelining uzilishi sabab boʻlgan. Shundan soʻng, unga tezyurar poyezd kelib urilgan.

Maʼlumot uchun, poyezdlar toʻqnashishi tufayli uchta vagon relsdan chiqib ketgan. Hozirda voqea joyida qutqaruv operatsiyasi olib borilmoqda.

• Halokat
• Hindiston
• Poyezd