Hindistonlik Sargam Kushal “Mrs. World-2022” goʻzallik tanlovi gʻolibasiga aylandi. Unga goʻzallik tojini tanlovning oʻtgan yilgi gʻolibasi – amerikalik Sheylin Ford kiydirgan.

Sargam Kushal oʻqituvchi va model sifatida faoliyat olib boradi. U goʻzallik tanlovlarida 2018 yildan, turmushga chiqqanidan soʻng qatnasha boshlagan.

Tanlovning hindistonlik soʻnggi gʻolibasi Aditi Govitrikar boʻlib, u 2001-yilda dunyoning eng goʻzal ayoli deya eʼtirof etilgandi.

Maʼlumot uchun, “Mrs. World” har yili oilali ayollar oʻrtasida oʻtkaziladigan goʻzallik tanlovi boʻlib, unda hakamlar ishtirokchilarning oila va nikoh masalasidagi fikrlariga eʼtibor qaratishadi. “Mrs. World” tanlovi ilk marta 1984-yilda Avstraliyada oʻtkazilgan.

• Madaniyat
• mashhurlar
• tanlov