Isroilning Livanga qarshi keng ko‘lamdagi havo hujumlaridan so‘ng, Eron tomonidan qo‘llab-quvvatlanayotgani aytilayotgan “Hizbulloh” Isroilga juda ko‘p sonli raketalarni uchirgan. Isroil harbiylarining ma’lumotlariga ko‘ra, yakshanba kuni 250 ga yaqin raketa hujumi qayd etilgan.

Ertalabdan boshlangan hujum tufayli Isroilning ko‘plab hududlarida nafaqat mamlakat shimolida, balki markazda, shu jumladan Tel-Aviv qirg‘oq metropolida ham signallar yangragan.

“Magen David Adom” qutqaruv xizmati ma’lumotlariga ko‘ra, kamida olti kishi jarohat olgan va bir necha binolar zarar ko‘rgan.

Shu bilan birga, Isroilning bir qancha manbalari, shu jumladan Haaretz gazetasi va Kan telekanalining hali tasdiqlanmagan xabarlariga ko‘ra, Isroil hukumati “Hizbulloh” bilan sulh tuzishga oldindan rozi bo‘lgan.

• Havo hujumi
• Isroil
• Livan