“Britaniya monarxlarining qarorgohi keng ko‘lamli ta’mirdan o‘tkazilishi kerak. Saroy qiymati 369 million funt sterlingni (462 million dollar) tashkil etadi”, – deb yozadi The Times.

Dekabr oyidan boshlab, 2027-yilgacha bo‘lgan barcha davlat tashriflari Vindzor qal’asiga ko‘chiriladi. Sayyohlarning Londonda asosiy diqqatga sazovor joylaridan biri bo‘lgan Bukingem saroyiga tashrifi to‘xtatiladi.

Ta’kidlanishicha, qirol Charlz III rafiqasi Kamilla bilan bir necha yil davom etadigan ta’mirdan so‘ng ham saroyga qaytishni rejalashtirmagan. Qirollik oilasi Klarens-Haus rezidensiyasida qoladi.

Ma’lumot uchun, Bukingem saroyi 1703-yilda qurilgan bo‘lib, saroyda 775 ta xona, shu jumladan 92 ta ish xonasi, 52 ta qirollik yotoqxonasi, 188 ta xizmatchi yotoqxonasi va 78 ta hojatxona mavjud.

• Britaniya