“Honor MagicBook 14” noutbuki 20 soatgacha yetadigan batareya quvvati bilan taqdim etildi.

Xitoyning “Honor” brendi “MagicBook 14” noutbukining yangilangan modelini e’lon qildi, u tomonlar nisbati 3:2 va 2160x1440 pikselli, 14 dyuymli ekranga ega bo‘ldi. Da’vo qilingan eng yuqori yorqinlik 300 nit, kontrast nisbati 1500:1 va sRGB rang maydonini 100 foiz qamrab oladi.

“MagicBook 14” oldingi versiyalar singari, yangilik yupqa va yengil alyuminiy korpusga egaligidadir. Uning qalinligi 15,9 mm bo‘lib, og‘irligi atigi 1,54 kg.

Bunday o‘lchamlar bilan u ikkita fanat, ikkita issiqlik trubkasi va maydoni 66 foizga oshgan radiatorga asoslangan ta’sirchan sovutish tizimiga ega. Oldingi modelga nisbatan havo oqimi 35 foizga oshirilgan.

Shuningdek, “Intel Core i5-12500 H” yoki “Intel Core i7-12650 H” chipini o‘rnatish mumkin. LPDDR 5 tipidagi operativ xotira hajmi 16 Gb ga yetadi, SSD’dagi ichki xotira esa 512 Gbgacha mavjud xolos. Ba’zi konfigurasiyalar esa diskret grafiklarga ega bo‘ladi. 

75 vatt quvvatga ega akkumulyator va quvvat sarfini optimallashtiradigan yangi “OS Turbo” texnologiyasi batareyaning 20 soat ishlash muddatiga ishonish imkonini beradi. Kompyuter 100 Vt quvvatga ega “pover bank” bilan birga keladi.

“MagicBook 14” xususiy xizmatlar va “Magic OS” vositalari to‘plami bilan “Windows 11”da ishlaydi (aqlli uy va Honor ekotizim qurilmalaridan oson foydalanish uchun).

Shuningdek, an’anaviy tortiladigan veb-kamera, orqadan yoritilgan klaviatura, barmoq izi skaneri, Wi-Fi 6 va “Bluetooth 5.2” adapterlari, NFC chipi, stereo dinamiklar, HDMI, USB 3.2 va USB-C portlari ham e’tiborga loyiq.

Eng asosiy qismiga yetib keldik. Xitoyda yangi “Honor MagicBook 14” narxi 4999 yuandan (taxm. 8-8,5 mln. so‘m atrofida) boshlanadi.

• Kompyuter
• texnologiya