Rasmiy sahifa va bloglarda ko‘k nishon belgisi bo‘ladi. Ushbu akkauntning bloklanishi ehtimoldan yiroq bo‘ladi va ishonchli manba bo‘lib xizmat qiladi. Buni qanday talablarga javob bergan sahifa va bloglar olishi mumkinligini ko‘rib chiqamiz.

Instagram’da ko‘k nishonni olish uchun talablar:

– Haqiqiy va ro‘yxatdan o‘tganligi;
– Bio’da matn bo‘lishi va hech bo‘lmaganda 1 ta post joylangan bo‘lishi;
– Ko‘rishlar, ulashishlar va obunachilar soni;
– Profilda boshqa ijtimoiy tarmoqqa o‘tish uchun havolaning yo‘qligi;

Nishonni shunchaki o‘z-o‘zidan olib bo‘lmaydi. Buning uchun avval siz ijtimoiy tarmoqqa xat yuborishingiz, ular so‘ragan ma’lumotlarni taqdim etishingiz kerak bo‘ladi. Agar barchasi o‘z o‘rnida bo‘lsa ko‘k nishonni sizga taqdim etishadi.

Bordi-yu rad javobini olsangiz, bir oydan so‘ng yana qayta urinib ko‘rishingiz mumkin.

Facebook’dagi talablar:

– Sahifada asosiy surat borligi;
– Sahifa nomining to‘g‘ri yozilganligi;
– Post joylanganligi;
– “A’zo bo‘lish” tugmasining yoqiq ekanligi.

Nishon uchun xat yuborilayotganda maxsus formadagi blankada murojaat qilish shart. Undan so‘ng kerakli hujjatlar va havola kabilar yuboriladi. Ma’qul topilganingizdan so‘ng nishonni qo‘lga kiritishingiz mumkin. Javob olishingiz kechiksa yoki rad qilingan bo‘lsa qayta-qayta bog‘lanishning foydasi yo‘q. 30 kun kuting va yana bir bor urinib ko‘ring.

Telegram’ning talablari

– Katta audiotoriyaga ega (aniq obunachilar soni keltirib o‘tilmagan) va faol kanal/bot/guruh;

– Ushbu sahifaning Facebook, Twitter, Instagram, TikTok, Snapchat, VKontakte yoki Youtube’da ham akkauntlari mavjud bo‘lishi kerak.

Shundan so‘ng, Telegram’dagi kanal/bot/guruh havolasidan nusxa olasiz va “@VerifyBot”ga so‘rov yuborasiz. Agarda sizda barchasi joyida va talab darajasida bo‘lsa, maxsus ko‘k nishonga ega bo‘lasiz.

• Facebook
• Instagram
• Telegram