Amerikalik tadbirkor, Tesla va Space’X (sobiq Twitter) ijtimoiy tarmog‘i egasi Ilon Mask Isroilga yetib keldi, deya xabar bermoqda Reuters agentligi.

Ilon Mask Tel-Avivga shaxsiy samolyotda uchib kelgan. U Isroil prezidenti Isaak Gertsog, Bosh vazir Benyamin Netanyaxu bilan uchrashishi, shuningdek, G‘azo sektori chegarasi yaqinidagi Isroil qishloqlariga tashrif buyurishi kutilmoqda.

Eslatib o‘tamiz, hozirda Qatar vositachiligida erishilgan to‘rt kunlik sulh doirasida Isroil va XAMAS o‘rtasida asirlar almashinuvi bo‘lib o‘tmoqda.
Nashrning qo‘shimcha qilishicha, Netanyaxu Ilon Maskga XAMAS olib borgan harbiy qandaydir harbiy operatsiyalar videosini ko‘rsatmoqchi. Bundan tashqari, siyosatchi va tadbirkor ishtirokida podkast olinadi.

Mahalliy matbuotning yozishicha, suhbat mavzusi ijtimoiy tarmoqlardagi antisemitizm muammosi bo‘ladi. Qayd etilishicha, G‘azo sektorida Falastinning XAMAS harakati tomonidan garovga olinganlarning ayrim oila a’zolari Mask bilan uchrashuvga qo‘shiladi. Ishtirokchilar yahudiylarga nisbatan murosasizlikka qarshi qanday choralar ko‘rish mumkinligini muhokama qiladi.

• Falastin
• Ilon_Mask
• Isroil