Xalqaro ziyorat turizm xaftaligi doirasida Samarqanddagi Imom Buxoriy xalqaro ilmiy-tadqiqot markazida “Markaziy Osiyo islom san’ati o‘chog‘i” xalqaro forumi o‘z ishini boshladi.

Forum doirasida “O‘zbekiston fondlarida saqlanayotgan Qurʼoni karimning qadimiy nusxalari” mavzusida xalqaro ko‘rgazma, “Movarounnahrda kitobat madaniyati” mavzusida islom amaliy sanʼati turlari bo‘yicha festival va hunarmandlar savdo yarmarkasi, shuningdek, “Qadimiy yozma manbalarni saqlash va tadqiq etish tizimini takomillashtirish masalalari” mavzusida xalqaro konferensiya tashkil etiladi.

Mazkur tadbir Turizm va madaniy meros vazirligi va Samarqand viloyati hokimligi tomonidan tashkil etildi.

Forum maqsadi Islom tarixi va madaniyatiga oid qadimiy yozma manbalarni saqlash va tadqiq etish tizimini takomillashtirish masalalari, bu borada O‘zbekiston va xorij tajribasi, kitobat, muqovasozlik, xattotlik sanʼatini tiklash va oʼrganishga doir zamonaviy ilmiy-tadqiqot natijalari bilan tanishish va tajriba almashishdan iborat.

• Forum
• Imom Buxoriy
• Konferensiya