Ko‘plab mamlakatlarda mashhurlikka erishgan turkiyalik xonanda Yildiz Tilbe G‘azoda ikkita chodir shaharchasini qurish uchun Quddus ko‘ngillilar uyushmasiga 300 000 AQSh dollari xayriya qildi. Qurilish ishlari boshlandi va u Ramazon oyiga qadar yakunlanadi. Ushbu xayriya mintaqada to‘liq jihozlangan ikkita chodir shaharchasini tashkil etishga qaratilgan. Xayriya topshirilgandan so‘ng vayronalarni tozalash yakunlandi va qurilish ishlari boshlandi. Shuningdek, Tilbe chodir shaharchalarida yashovchi falastinlik oilalarning oziq-ovqat ehtiyojlarini qondirish uchun G‘aza aholisi manfaati uchun konsert berishi aytildi. 

“Hamma narsa Alloh roziligi uchun bo‘lsin”, – deydi san’atkor yordam sa’y-harakatlarini davom ettirishini bildirib.

Manbalarning aytishicha, Yildiz Tilbe xayriya qilgan 300 000 AQSh dollari uning umumiy boyligining teng yarmiga to‘g‘ri keladi. 

• G‘azo
• Turkiya
• Xayriya