Har bir inson o‘zligicha bo‘lishni, o‘z xato va kamchiliklaridan uyalmaslik, boshqalar fikrlari hamda tashqi ko‘rinishidan nusxa ko‘chirmaslikni xohlaydi. Ammo bu holatga hayotining ma’lum bir davriga kelibgina erisha oladi. Kimdirlar o‘smirlik davridayoq erkinlik va ichki uyg‘unlikka erisha olsa, boshqa birovlar esa, nafaqaga chiqqanidan so‘ng muvaffaq bo‘ladi.

Qanday bo‘lmasin bu jarayonning boshlanishini o‘tkazib yubormaslik va o‘zingizni imkon qadar qo‘llab-quvvatlashga harakat qilish muhimdir. Quyida asta-sekin aslingizdek bo‘la boshlaganingizning bir necha belgilarini keltiramiz. Ular to‘g‘ri yo‘nalishda harakat qilayotganingizni bildiradi.

1. Qiyin bo‘lsa-da doim haqiqatni gapirasiz

Ko‘pchilik haqiqatni aytib, suhbatdoshga qarshi chiqmaslik yoki uni xafa qilib qo‘ymaslik uchun haqiqatni yashirish, o‘z fikrini ifodalamaslikka harakat qiladi. Ba’zida esa, haqiqatni aytish noqulay va biroz qo‘rqinchli. Ammo o‘z-o‘zingizdek bo‘lib borayotganingizda stereotiplardan qutilgan holda, o‘z fikringizni erkin ifodalashni o‘rganasiz. Haqiqatni gapirishingiz kerak bo‘lgan vaziyatlarda jim tura olmaysiz.

2. Hech kimni xafa qilishdan qo‘rqmaysiz

Aslingizdek bo‘la boshlaganingizdagina boshqalarning sizdan kutgan narsalari uchun javobgarlikni o‘zingizdan soqit qilasiz. Chunki, barchaning muhabbatini birdek qozonish uchun qilingan harakatlar o‘zligingizni, shaxsiyatingizni yo‘qotishingizga olib kelishini tushunib yetasiz.

Faqat boshqalarni xafa qilib qo‘yish qo‘rquvidan qutilgan holda, o‘z harakatlari va qarorlarida erkinlikka erishgan insonga aylanasiz.

3. Boshqalar siz haqingizda nima o‘ylashiga bafarqsiz

Boshqalar ko‘zida kulgili ko‘rinib qolmaslik uchun o‘zingizni boshqacha insondek ko‘rsatishga harakat qilishingiz o‘zligingizni yo‘qotib borishingizga olib keladi. Boshqalar sizni qanday qabul qilishlariga e’tibor bermaslikni va o‘zingizni namoyon qilishni boshlashingiz bilanoq baxtga erishishingizni tushunib yetganingizdagina ishonch bilan harakatlanishni boshlaysiz. Shunda avval ahmoqona yoki kulgili ko‘rinishdan qo‘rqmasdan, o‘zingizga xato qilish huquqini bergan holda harakat qilishni boshlaysiz.

4. O‘zingizga ishonasiz

Aslingizdek bo‘la boshlaganingizda o‘zingiz va kuchingizga ko‘proq ishonishni boshlaysiz. O‘zingizni qo‘llab-quvvatlaysiz, ijobiy o‘zgarishlarga ilhom berasiz va tanqidni yuragingizga yaqin olmaslikni boshlaysiz. O‘zingizga nisbatan mehribonroq bo‘lasiz, xato qilish imkonini berasiz va ideal natija kutib o‘zingizni qiynamaysiz.

5. Kamchiliklaringizni qabul qilasiz

Kamchiliklaringizni qabul qilishni boshlaganingizdagina o‘z-o‘zingizga aylanishni boshlagan bo‘lasiz. Aniqrog‘i, o‘zingizning ma’lum bir qismingizdan uyalishni bas qilasiz. Axir aynan shu kamchilik, nuqson deb hisoblagan narsalaringiz sizni boshqalardan o‘zgacha qilib turadi. Va nihoyat kamchiliklaringiz, salbiy tuyg‘ularingiz, ko‘rinish va odatlaringizga qaramasdan boshqalardan kam bo‘lmagan holda muhabbatga arzishingizni tushunib yetasiz.

6. Siz uchun muhim bo‘lgan narsalar haqida gapirishga uyalmaysiz

O‘z fikrlaringiz, qiziqish va qadriyatlaringiz haqida gapirishdan uyalmaysiz va buni to‘g‘ri deb bilasiz.

7. Sizni hurmat qilishlarini talab qilasiz

Odamlar sizni hurmat qilish yoki qilmasliklari bu ularning tanlovi. Ammo insonlar bilan hurmat ila munosabatda bo‘lish yaxshi tarbiya ko‘rsatkichidir. Qarshingizda kim turganiga qaramasdan xotirjam, sabr bilan munosabatda bo‘lish, shaxsiyatiga o‘tmaslik, suhbatdoshga nisbatan ehtiyotkor bo‘lish kerak.

Agar siz yuqoridagi yozilganlarga amal qiladigan bo‘lsangiz, o‘zingizga nisbatan ham hurmat talab qilishga haqqingiz bor va bundan foydalanasiz ham.

8. Sizga kerak bo‘lgan narsalar haqida ochiqchasiga gapirasiz

Aslingizga aylanib borayotganingizni yana bir belgisi - o‘zingizga kerakli bo‘lgan narsalarni bemalol so‘ray olasiz. Istagan narsangizga kinoya va yoki manipulyasiya orqali erishishga harakat qilmaysiz. Shunchaki, kelasiz va o‘zingizga kerakli harakat yoki narsalarni aytasiz. Odamlar o‘zi siz istagan narsani topib olishlarini kutib vaqtingizni o‘tkazmaysiz.

9. Atrofingizdagi insonlarni yo‘qotib borasiz

Hayotingizda o‘zgarishlay boshlanayotganida atrofingizdagi insonlar ham almashib, yo‘qolib borishadi. Bu hayotingiz yomon tarafga o‘zgarmoqda degani emas. Shunchaki, siz ular uchun "qulay inson" pozisiyasidan chiqib ketgansiz va sizni manipulyasiya qilish, o‘z fikrini o‘tkazish qiyin bo‘lib qolgan.

Shuningdek, o‘z ustingizda ishlashni boshlaganingizda boshqalar nolishini eshitish, o‘yin-kulguga kamroq vaqtingiz qoladi va sizga salbiy ta’sir ko‘rsatadigan insonlar hayotingizdan chiqib ketishadi.

10. Atrofdagilarga nisbatan toqatliroqsiz

O‘z-o‘zingizdek bo‘lishni boshlaganingizda o‘zingizni va atrofdagilarni boricha qabul qilishni boshlaysiz. Boshqalardan iltifot va yordam kutmasdan, o‘zingiz istaganingizdek yashay boshlaganingizda atrofingizdagilarga ham bag‘rikeng, toqatliroq bo‘lib borasiz.

• Inson