31°
Kechasi 18°
Instagram ijtimoiy tarmog‘i so‘nggi yillarda mashhur san’atkorlar, sportchilar va boshqa media vakillarining asosiy daromad manbayiga aylanib bormoqda. Yulduzlar tomonidan ushbu platformaga joylashtirilgan surat va videolar “folloverlar”ning munosabatiga sabab bo‘ladi.
Ushbu maqola orqali Instagram’dagi foto va video almashish bo‘yicha eng ko‘p “layk” to‘plagan 20 ta postni o‘z ichiga oladi.
2023-yil yanvar oyidagi reytingda muxlislar tomonidan eng ko‘p yoqtirish to‘plangan post argentinalik futbolchi Lionel Messi va jamoadoshlarining 2022-yilgi FIFA Jahon chempionatidagi g‘alabasini nishonlayotgan karuseli bo‘lib, unga 74 milliondan ortiq turli akkauntlar “layk” bosgan. 2022-yil 18-dekabrda yuklangan postda Messi finalda Argentina terma jamoasining Fransiya ustidan qozonilgan g‘alabadan keingi o‘zining birinchi Jahon kubogi sovrinini qo‘lga kiritgani ko‘rsatilgan. Bu, shuningdek, barcha ijtimoiy media platformalarida hozircha eng ko‘p yoqtirilgan postdir.
Joriy rekord
Ushbu post ijtimoiy tarmoqqa yuklanganining dastlabki 39 daqiqasida 10 million “layk” to‘pladi. Ertasi kuni ushbu post ulashilganidan keyin birinchi 24 soat ichida 50 million layk to‘plagan Instagram posti bo‘lib tarixga kirdi. Shuningdek, u Krishtianu Ronalduning rekordini yangilab, sportchilar uchun eng ko‘p layk to‘plangan postga aylandi.
2022-yil 19-noyabrda uning va Messining shaxmat o‘ynayotgani aks etgan foto 42 million yoqtirishlarga ega bo‘ldi. 2022-yilning 20 dekabrida postdagi “layk”lar soni 56 milliondan ortib, “@world_record_egg” maxsus akkaunti tomonidan o‘rnatilgan rekordni ortda qoldirdi. Bundan tashqari, eng ko‘p layk to‘plangan 20 ta postdan yettitasi Messiga tegishli akkauntdan yuklangan postlar bo‘lib, asosan 2022-yilgi Jahon chempionati vaqtida chop etilgan. Shuningdek, Ronalduga tegishli 7 ta post ham Top-20 reytingdan o‘rin olgan.
Messi e’lon qilganidan so‘ng 48 soat ichida ushbu Instagram postidagi yoqtirishlar soni 64 milliondan oshib ketdi va shu tariqa u TikTok va YouTube xostingida eng ko‘p “layk” to‘plangan musiqiy videolarni ham ortda qoldirib, barcha ijtimoiy media platformalarida eng ko‘p yoqtirilgan ijtimoiy tarmoq postiga aylandi.
Bunga qadar “Despacito” qo‘shig‘i 50,2 million, TikTok’da esa filippinlik qo‘shiqchi Bella Porch tomonidan yuklangan va “Sophie Aspin Send” qo‘shig‘i bilan sinxron qilingan video 60,3 million “layk” yig‘ishga muvaffaq bo‘lgan edi.
Bu, shuningdek, Instagram’da 60 va 70 million yoqtirishlarga erishgan birinchi post bo‘ldi va e’lon qilinganidan so‘ng atigi 3 kun ichida ushbu natijaga erishgani hayratlanarli.
Avvalgi rekord
2019-yilning 4-yanvar kunida “@world_record_egg” maxsus akkauntida tuxum surati joylashtirildi, u o‘sha paytda Instagram’dagi eng ko‘p layk to‘plangan postni (18,6 million “layk”ga ega Kayli Jennerning qizi surati) ortda qoldirdi. Tuxum surati dastlab Sergey Platanov tomonidan olingan bo‘lib, u 2015-yil 23-iyun kuni uni “Shutterstock” platformasiga (fotografiya, video, musiqa va tahrirlash vositalarini taqdim etuvchi Amerika kompaniyasi) “oq fonda ajratilgan tuxumlar” sarlavhasi bilan joylashtirgan. “@world_record_egg” akkauntini yaratuvchisi Kris Godfri bo‘lib, reklama ijodkori esa uning do‘stlari CJ Brovn va Alissa Xan hisoblanadi.
2019-yilning 14-yanvarida tuxum tasviri Instagram’da eng ko‘p “layk” to‘plangan postga aylandi, tuxum akkaunti egasi unga “Bu aqldan ozish. Tiriklik uchun qanday zamon keldi” izohi bilan joylashtirgan. Platanov o‘zining fotosurati mashhurligidan hayratda qolganini ma’lum qildi.
Top-20 post
Instagram’da eng ko‘p yoqtirilgan 20 ta post ro‘yxatida eng ko‘pi Lionel Messi va Krishtianu Ronalduga tegishli akkauntlardan yuklangan (umumiy 14 ta) fotolar hisoblanadi. Shuningdek, yettita post bitta voqea, ya’ni 2022-yilgi futbol bo‘yicha Jahon chempionatiga qaratilgan.
Qayd etish mumkin, Instagram Kevin Sistrum va Mayk Kriger tomonidan asos solingan Amerika foto va video almashish ijtimoiy tarmog‘idir. 2012-yil aprel oyida Mark Sukerbergga tegishli Facebook (hozirgi Meta) kompaniyasi ushbu xizmatni naqd pul va aksiyalar ko‘rinishida taxminan 1 milliard AQSH dollariga sotib oldi. Ilova foydalanuvchilarga filtrlar bilan tahrirlanishi hamda xeshteglar va “geotegging” yordamida tartibga solinishi mumkin bo‘lgan media fayllarni yuklash imkonini beradi.
Xabarlarni hammaga ochiq yoki oldindan tasdiqlangan obunachilar bilan baham ko‘rish mumkin. Foydalanuvchilar boshqalarning kontentini teglar va joylashuv bo‘yicha ko‘rib chiqishlari va trend kontentini ko‘rishlari mumkin. Foydalanuvchilarga fotosuratlarni yoqtirishi va boshqa foydalanuvchilarga o‘z kontentini shaxsiy tasmasiga qo‘shish uchun kuzatish imkoniyati beriladi.
Hisob-kitoblarga ko‘ra, internetdan foydalanish imkoniga ega bo‘lgan 1 milliard nafardan ortiq insonlar Instagram’da ro‘yxatdan o‘tgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
