“Apple” kompaniyasi yil oxriga qadar yangi rangli dizayndagi smartfonlarni taqdim etishni rejalashtirmoqda. So‘nggi rusumli iPhone smartfonlari ranglari safiga endi qizg‘ish-jigarrang ham qo‘shilishi mumkin.

“9to5Mac” ma’lumotlariga ko‘ra, “Apple” to‘q qizil rang “iPhone 15 Pro” va “Pro Max” ustida ishlamoqda. Ijtimoiy tarmoqlarda tarqalgan rasmlarga qaraganda, ranglar palitrasida soya #410D0D kodi bilan belgilangan.

Eslatib o‘tish mumkin, “iPhone 13 Pro” standart ranglardan tashqari maxsus ko‘k rangda, “iPhone 14 Pro” esa qora va to‘q binafsha ranglarda mavjud edi.

Arzonroq “iPhone 15” modellari yangi pushti va ko‘k ranglarda sotilishi mumkin. Pushti uchun kod – #CE3C6C, ko‘k – #4DB1E2. Ikkalasi ham yorqin va ajralib turishni yaxshi ko‘radigan foydalanuvchilar uchun mos keladi.

Shu bilan birga, kompaniyadan yangilik sifatida “iPhone 15” liniyasidagi eng qimmat qurilmalarda titan korpusi bo‘lishi ham kutilmoqda. Shuningdek, ular 3 nm texnologiyasidan foydalangan holda yaratilgan “A17 Bionic” chipi bilan jihozlanishi mumkin.

Aytib o‘tish lozimki, “Apple” odatda har yili “iPhone Pro” modellari uchun yangi maxsus ranglarni taqdim etadi, biroq kompaniya “iPhone 15” haqida hozirgacha hech qanday tafsilotlarni rasman e’lon qilmagan.

• Apple
• iPhone