Oddiy charchoq bilan kasbiy charchoqni qanday farqlasa bo‘ladi? Ishga qiziqish bo‘lmagan paytda nimalar qilish kerak? Psixologlar bu bo‘yicha ayrim tavsiyalarni ulashdi.

Ularning fikricha, har bir inson yiliga ikki marta uch haftadan dam olishi kerak. Shuningdek, ish haftasi davomida xodim o‘zi uchun vaqt ajratishi ham muhimdir.

Vaqtinchalik charchoq ruhiy va jismoniy noqulaylik tug‘diradi. Bu davrda hayotga, ijtimoiy doiralarga, ishga qiziqish saqlanib qoladi va hayotiy maqsadlar mavjud bo‘ladi.

Ammo surunkali charchoq sindromi bilan insonning hayoti doimiy stressda o‘tadi. Ishga va hayotga qiziqish yo‘qoladi, odam o‘zining aloqa doirasini hamda his-tuyg‘ularini butunlay cheklab qo‘yishi mumkin. Uyg‘onganidan keyin doim o‘zini charchagan his qiladi va ishga borish uchun kuch yoki xohish topolmaydi.

Bu borada mutaxassislar yil davomida kamida 2 marta 3 haftalik taʼtilga chiqishni maslahat berishadi. Bundan tashqari, haftasiga bir soat sukut saqlash mashg‘ulotlarini o‘tkazish ham tavsiya etiladi. Bu vaqtni psixikani tiklash, maqsadlar haqida o‘ylash, rejalar tuzish va meditatsiya qilish kabilarga sarflash lozim.

• Dam olish kuni
• Psixolog
• salomatlik