Isroil harbiylari G‘azodagi “Kamol Advan” shifoxonasini muntazam ravishda kuchli o‘qqa tutishi oqibatida uning binosi butunlay vayron bo‘lgan.

Yong‘indan chiqqan tutun atrofni qamrab olgani sababli bemorlar va shifoxona xodimlarini evakuatsiya qilish jarayoni qiyinlashgan. Yong‘in katta hududga yoyilishi natijasida bir qancha tibbiyot xodimlari uning ichida qolib, halok bo‘lgan.

Mazkur shifoxona direktori, doktor Hussam Abu Safiye va yana 180 nafar xodim Isroil kuchlari tomonidan asirga olingan. Ularning qayerdaligi hozircha noma’lum bo‘lib qolmoqda.

Harbiylar bemorlar va xodimlarni majburan evakuatsiya qilgan. Ayol shifokorlar qurolli tahdid ostida barcha talablarga bo‘ysunishga majbur bo‘lgan, erkaklar esa hibsga olingan.

• Falastin
• G‘azo
• Isroil
• Urush
• shifoxona