“Netsarim yo‘lagidagi nazorat punktlari 27-yanvar kuni ertalab ochildi. Bir necha kun davom etgan kutishdan so‘ng, minglab falastinliklar anklav shimoliga yo‘l oldi”, – deb yozmoqda Associated Press.

Isroil va XAMAS o‘rtasidagi kelishuvga ko‘ra, Isroil kuchlari G‘azo sektoridagi chegara bo‘ylab bufer hududga chekinishi, shuningdek, G‘azo sektorini ikkiga ajratib turuvchi Netsarim yo‘lagi va Misr bilan chegara bo‘ylab joylashgan Filadelfiya yo‘lagining katta qismini tark etishi kerak edi. Bu jarayon XAMAS va Isroil o‘rtasidagi garovga olinganlarni ozod qilish tartibiga oid nizolar sabab ikki kunga kechikkan.

Tel-Aviv garovga olingan tinch aholi vakili Arbel Yehudning ozod qilinishi talabini qo‘ygan. Isroil XAMASni birinchi bosqichda ozod qilinishi kerak bo‘lgan garovdagilar haqida ma’lumot bermaganlikda ayblagan. XAMAS esa Isroilni nazorat punktlarini ochish bo‘yicha kelishuvni buzganlikda ayblagan.

Qatar vositachiligida o‘tkazilgan muzokaralar chog‘ida XAMAS Arbel Yehud va yana ikki nafar garovdagi isroillikni juma kunigacha topshirishga rozi bo‘lgan. Binyamin Netanyahuning tasdiqlashicha, ular 30-yanvar kuni ozod qilinadi.

Isroil XAMASga qarshi asosiy harbiy operatsiyalarini G‘azo sektorining shimolida olib borgan. Shu sababli, hududda urush davomida katta miqdorda qurbonlar vayronagarchiliklar qayd etilgan.

• Falastin
• G‘azo
• Isroil