Isroilning o‘ta o‘ngchi Milliy xavfsizlik vaziri Itamar Ben-Gvir G‘arbiy Quddusda uch isroillikning o‘limiga sabab bo‘lgan hujum uchun javobgarlikni XAMASning o‘z zimmasiga olishi “sulhni buzish” ekanini aytgan. Hamda blokadaga hujumlarni zudlik bilan qayta boshlashga chaqirdi.

Isroilda tinch aholiga va ishg'ol qilingan G'arbiy Sohildagi yahudiy ko'chmanchilarga minglab qurol tarqatish ortida turgan Ben-Gvir, G'arbiy Quddusda 3 nafar isroillik halok bo'lgan va 13 kishi yaralangan hujum uchun javobgarlikni XAMAS o'z zimmasiga olganidan keyin bayonot berdi.

"Urushning eng oliy maqsadlari - XAMASni va uning barcha aloqalari va qoldiqlarini butunlay yo'q qilish, zudlik bilan hujumni qayta boshlash kerak", - deya qo'shimcha qilgan Ben-Gvir.

Payshanba kuni ertalab G'arbiy Quddusda uyushtirilgan qurolli hujum natijasida 3 nafar isroillik halok bo'ldi, 13 kishi yaralandi, ulardan 3 nafarining ahvoli og'ir. Isroil politsiyasi hujumni amalga oshirgan ikki kishi halok bo‘lganini aytdi. XAMAS, kecha yozma bayonotida, hujum uchun mas'uliyatni o'z zimmasiga oldi va bu hujumning "Isroil tomonidan blokadadagi G'azo sektorida sodir etilgan qirg'inlar, Jeninda bolalarning o'ldirilishi, falastinlik mahbuslarga nisbatan qonunbuzarliklar, Al-Aqsoga qilingan hujumlarga javoban amalga oshirilganini" qayd etgan.

Isroil matbuotiga ko‘ra, 7-oktabr voqealaridan beri Ben Gvirning tinch aholi va ko‘chmanchilarni qurollantirish kampaniyasi doirasida 25 mingga yaqin qurol-yarog‘, shuningdek, o‘q-dorilar va boshqa harbiy texnika xarid qilingan.

• Falastin
• Isroil