Isroil bosh vaziri Netanyaxuning bayonotiga ko‘ra, XAMAS oldindan kelishilgani kabi isroillik asirlar ro‘yxatini taqdim etmagan. Kelishuv bo‘yicha isroillik asirlar ro‘yxati taqdim etilgach, mahalliy vaqt bilan 8:30 da G‘azo sektorida o‘t ochishni to‘xtatish bo‘yicha sulh kuchga kirishi kerak edi.

SAXAL ro‘yxat qabul qilinmaguncha G‘azoga zarbalarni davom ettirishini ma’lum qilgan.

“XAMAS ozod qilinadigan asirlar ro‘yxatining kechikishini “texnik qiyinchiliklar” bilan izohladi va bu bir necha soat ichida hal bo‘lishini ma’lum qildi”, – deb xabar bermoqda Asharq telekanali. G‘azo fuqarolik mudofaasi ma’lum qilishicha, mediatorlarning vaqt jadvaliga ko‘ra, sulh kuchga kirganidan beri 8 falastinlik halok bo‘lib, 25 dan ortiq kishi jarohat olgan.

Qatar, Misr va AQSh vositachiligida tuzilgan sulh mahalliy vaqt bilan ertalab 8:30 da boshlanishi kerak edi.

• Falastin
• G‘azo
• Isroil
• hujum