Qirg‘iziston prezidenti Sadir Japarov RF rahbari Vladimir Putindan Tojikiston bilan chegaralar masalasini hal qilishda yordam berishini so‘radi. Bu haqda Qirg‘iziston Kengashi kotibi Marat Imanqulov ma'lum qildi.

“Ostona shahrida bo‘lib o‘tgan sammitda 3 davlat rahbarlari o‘rtasida chegaralar masalasi bo‘yicha ochiq suhbat tashkil etilgan. Japarov Putindan bu masalani hal qilishda yordam berishini so‘radi, chunki buni o‘zimiz hal qilishimiz qiyinlashmoqda”, dedi Imanqulov “Birinchi radio” efirida.

Imanqulovning ta’kidlashicha, Putin ushbu masalani o‘ylab ko‘tarishga, tomonlar imkoniyatlarini ko‘rib chiqishga va’da bergan. Shuningdek, Putinda ushbu masalani hal qilishda yordam beradigan arxiv hujjatlar va xaritalar mavjud bo‘lishi mumkinligi aytilgan.

Ma’lumot uchun, qirg‘iz-tojik chegarasidagi mojarolar 14-16-sentyabr kuni jiddiylashdi. 25-sentyabr kuni Qirg‘iziston-Tojikiston vakillari chegaradagi ziddiyatni to‘xtatishva delimitatsiya jarayonini tezlashtirishga oid protokol imzoladilar.

• Chegara
• Putin
• Qirg‘iziston
• Sadir Japarov
• Tojikiston