11-iyun kuni Mexiko shahrida futbol bo‘yicha 2026-yilgi Jahon chempionatiga rasman start berildi. Turnirning ochilish uchrashuvida mezbonlardan biri bo‘lgan Meksika Janubiy Afrika Respublikasi terma jamoasini 2:0 hisobida mag‘lub etdi.

Uchrashuvda hisobni 9-daqiqada Xulian Kinones ochdi va shu tariqa mundialning ilk goliga mualliflik qildi. Ikkinchi bo‘limda esa Raul Ximenes boshi bilan kiritgan goli orqali jamoasining g‘alabasini mustahkamladi.

Mazkur natija Meksiya uchun tarixiy ahamiyat kasb etdi. Jamoa o‘z tarixida ilk bor Jahon chempionatini g‘alaba bilan boshladi. Bungacha meksikaliklar mundialdagi dastlabki yetti ishtirokida birinchi turda g‘alaba qozona olmagan edi.

Ochilish bahsi yana bir rekord bilan yodda qoldi. Hakam uchrashuv davomida uchta qizil kartochka ko‘rsatdi. Jahon chempionatlari tarixida ochilish o‘yinida avval hech qachon buncha ko‘p futbolchi maydondan chetlatilmagan.

JCH–2026. A guruhi, 1-tur
Meksika – Janubiy Afrika Respublikasi 2:0
Gollar: Xulian Kinones (9), Raul Ximenes (67).
Qizil kartochkalar: Sezar Montes (Meksika, 90+2), Sitole (49) va Zvane (84) — Janubiy Afrika Respublikasi.