Janubiy koreyalik ijodkor, “Kalmar oʻyini” seriali yulduzi Li Jon Je “Yulduzlar jangi: Itoatkor” serialidagi bosh rolni ijro etadi.

Yangi loyihada Jon Je bilan birga Amanda Stenberg va Jodi Terner Smitlar ham koʻrinish beradi. Serialga Lesli Xedland rejissyorlik qilishi kutilmoqda. Serialning taqdimot sanasi esa hali oshkor qilinganicha yoʻq.

“Yulduzlar jangi: Itoatkor” serialining suratga olish ishlari joriy yilning oxirida London shahrida boshlanishi maʼlum qilingan.

Eslatib oʻtamiz, aktyor Li Jon Je “Kalmar oʻyini” seriali taqdimotidan keyin olamshumul mashhurlikka erishgan edi. “Kalmar oʻyini” Netflix tarixdagi eng mashhur loyihaga aylangan va platformaga 900 million AQSh dollari miqdorida foyda olib kelgan. Joriy yilning 12-iyun kuni serialning ikkinchi mavsumi ham suratga olinishi aytilgan edi. Ammo, uning qachon taqdim etilishi nomaʼlumligicha qolgan. Serial rejissyori Xvan Don Xyok birinchi mavsumning bosh qahramoni Son Ki Xun (Li Jon Je) ikkinchi mavsumda ham ishtirok etishini aytib oʻtgan.

• Kalmar o'yini
• Kino
• Netflix
• Serial
• ijod
• mashhurlar