31°
Kechasi 18°
Kriptovalyuta bozori olti oy ichida 1 trillion dollardan ko‘proqqa tushib ketdi. Investorlar inflyasiyani jilovlashga intilayotgan AQSH Federal zahirasining stavkasini oshirishi fonida xavfli kripto aktivlarini ommaviy ravishda tashlab ketishmoqda. Bitkoin avvalroq 30 000 dollardan pastga tushgan bo‘lsa-da, keyin esa 31 000 dollargacha tiklangan.
“The Wall Street Journal” hisob-kitoblariga ko‘ra, kriptovalyuta bozori 2021 yil noyabr oyidan beri inflyasiyaning o‘sishi va AQSH regulyatorining yangi talablari va investorlarning xavfli aktivlardan ommaviy chiqib ketishi fonida 1 trillion dollardan ko‘proqqa qisqardi.
Nashrning yozishicha, “stablecoin” (barcha kriptovalyutalarning umumiy nomi) 29 foizga tushib, hatto tajribali investorlarni ham hayratda qoldirgan. Kriptovalyuta kursi inflyasiyadan yetkazilgan zararni kamaytirishga urinayotgan AQSH Federal zaxira tizimi kursni oshirishi fonida pasaymoqda. Regulyator raqamli valyutalar inflyasiyani himoya qiladi, deb hisoblaydi. Investorlar esa bunga xavfli aktivlardan favqulodda chiqish orqali munosabat bildiradilar.
Bundan tashqari, WSJ ma’lumotlariga ko‘ra, bozorning yo‘qotishlari avvallari u faqat xususiy investorlarga tegishli bo‘lganligi, endilikda esa xej-fondlar kabi institusionallar ustunligi bilan ham kuchaygan. Shu bilan birga, xususiy va institusional investorlar endi xavfli aktivlarni tark etishmoqda.
“Coindesk” ma’lumotlariga ko‘ra, hozirda bitkoin kursi 30 641 dollarni tashkil etmoqda. “Ethereum” kursi 16:05 holatiga ko‘ra 2117 dollarni tashkil etdi. “Coingesko” ma’lumotlariga ko‘ra, bitkoinning bozor kapitallashuvi 585 milliard dollardan oshadi.
Ta’kidlanishicha, kriptovalyutalar o‘tgan yili eng yuqori qiymatga ega bo‘lgan. 2021 yil fevral oyida “Tesla” 1,5 milliard dollarlik bitkoin sotib olayotganini e’lon qilgan, shundan so‘ng uning narxi rekord darajaga ko‘tarilgan. 2021 yil noyabr oyida esa bitkoin narxi rekord darajaga yetib, 68,500 dollardan oshgan. O‘shanda “Ethereum” kriptovalyutasi narxi 4800 dollardan oshib ketgan edi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
