Oʻzbekiston Respublikasi Davlat bayrogʻi 1991-yilning 18-noyabr kuni 407-XII-sonli “Oʻzbekiston Respublikasining Davlat bayrogʻi toʻgʻrisida”gi Qonun bilan tasdiqlangan.

Oʻzbekiston Konstitutsiyasiga binoan, Oʻzbekiston Respublikasining Davlat bayrogʻi Oʻzbekiston Respublikasi davlat suverenitetining ramzi hisoblanadi.

Davlat bayrogʻining uzunligi 250 santimetr, kengligi 125 santimetrga teng. Har bir rang eni 40 santimetrni tashkil qiladi. Oq rangli yangi oy va oʻn ikkita oq rangli besh qirrali yulduzning tasviri moviy rangli yuqori enning oʻrtasidan 70 x 30 santimetrga teng toʻgʻri toʻrtburchakka sigʻadigan qilib joylashtirilgan.

Davlat bayrogʻi xalqaro munosabatlarda Oʻzbekiston Respublikasining timsoli sanaladi.

Butunjahon falsafa kuni

Butunjahon falsafa kuni 2005-yilda YUNESKO Bosh konferensiyasining 33-sessiyasida taʼsis etilgan. Ushbu bayram noyabr oyining uchinchi chorshanba kunida nishonlanadi. Shu kuni falsafiy tafakkur boyligini jamoatchilikka yetkazish masalalari koʻrib chiqiladi.

Milodiy 2-3 asrlarda yashab oʻtgan yunon faylasufi Diogen Layetskiy yunon mutafakkiri Pifagor tarixda birinchi boʻlib oʻzini “filosof” deb atagani haqida yozib qoldirgan. Bu soʻz Geraklit taʼlimotida narsalarning tabiatini tadqiq qilishga nisbatan qoʻllanilgan.

Keyinchalik “filosof” soʻzi har taraflama, keng, tushunarli va haqqoniy fikr yuritishga intiladigan odamlarga nisbatan qoʻllanila boshlagan.

• Tarix
• qiziqarli