Ba’zan organizmdagi kuchli shamollashdan, virus (infeksiya)lardan yoki xalq tilida aytganda nimadandir qo‘rqishdan labimizga uchiqlar chiqib turadi. Buni uy sharoitida davolash usullari bor. Buning uchun suv va olma sirkasi qo‘shilgan aralashmaga botirilgan paxtali cho‘pni zararlangan sohaga surting. Olma sirkasi ayrim bakteriya va viruslarga qarshi kurashishda yordam berishi mumkin.

Shuningdek, husnbuzarlarni bartaraf qiladigan kosmetik vositalar tarkibidan o‘rin oladigan choy daraxti yog‘i ham yordam berishi mumkin. U terini quritadi, yaraning bitishini tezlashtiradi hamda gerpes virusining oddiy turi bilan kurashishga yordam beradi.

Viruslarga qarshi kurashish xususiyatiga ega bo‘lgan propolis ham yarani tezroq bitishiga hissa qo‘shishi mumkin.

• Tibbiyot
• salomatlik