“Leypsig” “Zalsburg” hujumchisi Benjamin Sheshkoni sotib oldi.

Kelishuvga koʻra, 19 yoshli sloveniyalik 2022/23-yilgi mavsumni Avstriyada oʻtkazadi, 2023-yilning 1 iyulidan esa Bundesliga klubiga oʻtadi.

Shartnoma 2028-yilning yozigacha moʻljallangan.

Avvalroq, “buqalar” Sheshkoni “Zalsburg”dan 24 mln. yevro evaziga sotib olishi xabar qilingan edi.

Hujumchiga “Real”, “Manchester Yunayted” va “Chelsi” klublari ham qiziqish bildirgani haqida xabarlar tarqalgan edi.

Maʼlumot uchun, Sheshko “Zalsburg” safida jami 39 ta oʻyinda maydonga tushib, 12 ta gol, 8 ta golli uzatmaga mualliflik qilgan.

• Futbol
• Transferlar
• Xorij