Belarus prezidenti Aleksandr Lukashenko Rossiyaning 2030-yilgacha Belarusni o‘zlashtirib olishi haqidagi ma’lumotlarga izoh berdi.
Belarus rahbari Belarusning ham, yirik yadroviy davlat hisoblangan Rossiyaning ham o‘ziga xos strategiyasi borligini ta’kidladi.
“Rossiyaning ham Belarusga nisbatan o’z strategiyasi bor – o’z birodarlari kabi tinchlik va doʻstlikda yashash. Men bu “qozon”da toʻliq qaynadim va unda qatnashaman”, – deydi Lukashenko.
Belarus prezidentining soʻzlariga koʻra, bu mavzu Minsk va Moskva orasiga nizo solish uchun paydo boʻlgan.
“Ular bizni yana ikkiga bo‘lib tashlamoqchi. Shuning uchun ham bu mavzu paydo bo‘ldi. Bunda jonli hech narsa yo‘q. Mening pozitsiyamni bilasiz, bu o‘zgarishsiz: biz mustaqil suveren davlatmiz”, – dedi Lukashenko.
Uning so‘zlariga ko‘ra, bu borada Vladimir Putin ham xuddi shunday pozitsiyaga ega.
Shuningdek, Belarus rahbari 24-fevral kuni Rossiya prezidenti bilan turli mavzularda uzoq vaqt suhbatlashganini aytdi.
Ma’lumot uchun, o‘tgan haftada ikki davlat rahbarlari Novo-Ogaryovoda uchrashuv o‘tkazdi va unda iqtisodiy hamkorlik, shuningdek, xavfsizlik va harbiy hamkorlik bo‘yicha so‘rovlar muhokama qilingan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!