31°
Kechasi 18°
O‘zbekistonning Malayziyadagi elchisi Karomiddin G‘adoyev Kuala-Lumpurda Malayziyaning eng yirik mustaqil energiya ishlab chiqaruvchilaridan biri Malakoff Corporation Berhad bosh ijrochi direktori Anvar Shaxrin Abdul Ajib bilan uchrashuv o‘tkazdi. Bu haqda “Dunyo” axborot agentligi xabar berdi.
Muzokaralarda O‘zbekistonda “yashil” energiya, ayniqsa gidroenergiya sohasida mavjud ulkan salohiyat taqdim etildi. Malayziya tomoniga O‘zbekistondagi daryo va kanallarda kichik gidroelektr stansiyalar (GES) qurish, shuningdek, yirik quvvatli gidroinshootlarni barpo etish bo‘yicha hamkorlik qilish taklifi bildirildi.
Anvar Shaxrin Abdul Ajib o‘z nutqida O‘zbekistonda amalga oshirilayotgan energetika islohotlari katta taassurot qoldirganini aytib, kompaniya joriy yilda O‘zbekistonga safar qilib, loyihalarni o‘rganish niyatida ekanini bildirdi.
1975-yilda tashkil etilgan Malakoff Corporation Berhad kompaniyasi elektr energiyasi ishlab chiqarish, sho‘r suvni chuchuklashtirish, texnik xizmat ko‘rsatish va chiqindilarni boshqarish kabi yo‘nalishlarda faoliyat yuritadi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
