Har bir xalqlarning o‘ziga xos anʼanalari, xatti-harakatlari va kundalik odatlari bor. Baʼzan esa sayohat qilishda o‘zimiz bilmagan holda chet elning odob-axloq qoidalarini buzamiz. Ushbu maqola kelajakdagi sayohatlarda noqulay vaziyatlardan qochishingizga yordam beradi.

Chilida qo‘lda ovqatlanish mumkin emas. Bu mamlakat aholisi umumiy Yevropa odob-axloq qoidalariga rioya qilishni afzal ko‘radi. Ular hatto gamburgerlarni ham vilka va pichoqlar yordamida isteʼmol qilishadi.

Avstraliyada yo‘lakning o‘ng tomonida yurishingiz kerak. Yo‘llarning chap tomoni avtomashinalar uchun, o'ng tomoni esa piyodalar harakatlanishi uchun mo‘ljallangan.

Tailandda bolalarni maqtab bo‘lmaydi. Bu yerda kichkina bolalarni maqtash yomon odob hisoblanadi. Mahalliy aholi bolalarning farovonligi haqida juda qayg‘uradilar. Bir eʼtiqod bor: agar siz bolani ortiqcha maqtasangiz, unga yomon narsa bo‘lishi mumkin.

Turkiyada erkaklar shortik kiymaydi. Sharqiy mamlakatlarda anʼanalar va konservativ qarashlarga ko‘ra, tashqarida havo qanchalik issiq bo‘lmasin, erkaklar shortik kiymaydilar. 

Shuningdek, Turkiyada oyoqlarni chalishtirib o‘tirish odobsizlik hisoblanadi.

Italiya shimolidagi restoranlar faqat tushlik (12.00-14.00) va kechki ovqat vaqtida (19.00-23.00) ochiq bo‘ladi. 14.30 dan keyin tushlik uchun restoranga borsangiz, kechki ovqatni kutishingiz kerak bo‘ladi.

Bundan tashqari, Italiyada 24 soat ishlaydigan supermarketlar deyarli yo‘q. Bu yerda aholi shaxsiy hayotni ishdan ko‘ra muhimroq deb hisoblashadi. Sotuvchi va kassirlar ham boshqalar kabi o‘z vaqtida uyiga qaytib, oilasi bilan birga ovqatlanadi.

Portugaliyada odam va narsalarni qo‘l bilan ishora qilib ko‘rsatib bo‘lmaydi. Bu juda qo‘pol harakat hisoblanadi. Faqat do‘konlarda mahsulotlarni qo‘l bilan ko‘rsatish mumkin, xolos.

• Dunyo
• Odat
• sayohat