Professional astrofotograf Jeyson Perri “Yuno” zondining yangi ma’lumotlari tufayli olingan Yupiterning yo‘ldoshi – Ioning batafsil suratlarini e’lon qildi.

Qayd etilishicha, ushbu suratlarning barchasi 1-mart kuni “Yuno” sun’iy yo‘ldoshining parvozi paytida olingan, shuning uchun sirtdagi o‘zgarishlar minimaldir. Suratlar 51,5 dan 65 ming kilometrgacha bo‘lgan masofadan olingan.

Shuningdek, muallif ikkita qayta ishlangan fotosuratni taqdim etdi. Birinchisi, u maksimal tafsilotlarga ega tasvirni yaratish uchun “Yuno” kamerasidan olingan ikkita rasmdan foydalangan.

Ikkinchi fotosuratda qancha manba borligi aniq emas. Ammo muallifning yozishicha, ushbu tasvirning har bir pikseli uzunligi 34 kilometrga to‘g‘ri keladi. O‘lchovni tasavvur qila olasizmi?

Ikkinchi fotosuratga berilgan izohlarda olimlar “Yuno” kamerasidan olingan asl tasvirda qayta ishlangan fotosuratda qora rangga aylangan ikkita qizil nuqtani payqashdi. Fotosuratchining so‘zlariga ko‘ra, bu shunchaki qizil filtr tufayli yuzaga kelgan tasvir nuqsoni, uni qayta ishlash jarayonida yo‘q qilish kerak bo‘lgan.

Ioning navbatdagi harakati joriy yilning 16-may kuni taxminan 35 000 kilometr masofadan kutilmoqda, bu esa yanada batafsil tasvirlarni taqdim etish imkonini yaratadi.

• Astronomiya
• Fotografiya
• Yupiter