JCh-2022 guruh bosqichi 2-turida Argentina 2:0 hisobida Meksikani yenggan edi.

Ushbu gʻalabadan keyin Lionel Messining kiyim almashtirish xonasida yerda yotgan Meksika TJ libosini oyogʻi bilan surib yuborgandagi videosi ijtimoiy tarmoqlarda tarqaldi.

Bunga boks boʻyicha super oʻrta vaznning mutlaq chempioni Saul Alvares “Messi men bilan uchrashib qolmaslikni Xudodan oʻtinib soʻrasin.

Messining futbolka va bayrogʻimiz bilan pol artayotganini koʻrdingizmi? Argentina Meksikani hurmat qilgan boʻlsa, biz ham Argentinani shunday hurmat qilishimiz kerak!

Men Argentina haqida gapirmayapman, Messi va uning qilgan ishlari haqida gapiryapman. Meksika futbolkasi polda ekan, bu biz uchun haqorat”, – deya munosabat bildirgandi.

Meksikalik charm qoʻlqop ustasi ushbu murojaati uchun uzr soʻradi.

“Oxirgi kunlarda vatanimga boʻlgan hissiyot hamda muhabbat meni qamrab oldi va keraksiz izohlarni qoldirdim. Shu tufayli Messi va Argentina xalqidan uzr soʻramoqchiman.

Har kuni qandaydir yangi narsalarni oʻrganamiz va endigi navbat menga”, – deb twit qoldirgan Kanelo.

• Boks
• Futbol
• Kanelo
• Messi