“Mercedes-Benz” 1956-yilda ishlab chiqarilgan noyob “300 SLR Uhlenhaut Coupe” sportkarini sotishni o‘z ichiga olgan maxfiy kim oshdi savdosini o‘tkazdi. 

“Hagerty Insider” manbalariga tayanib, noma’lum xaridor ushbu mashina uchun 135 million yevro to‘laganini da’vo qilmoqda. Shunday qilib, model dunyodagi eng qimmat avtomobilga aylandi. Bu unvon avvalroq 1962-yilda ishlab chiqarilgan “Ferrari 250 GT” edi, bir necha yil avval uni sotib olgan xaridor 70 million dollarning “bahridan o‘tgan”.

Ta’kidlanishicha, “Mercedes” auksionida jami 10 nafar taniqli avtomobil kolleksiyachisi ishtirok etgan. Gʻolibning ismi aytilmagan. Norasmiy ma’lumotlarga ko‘ra, taniqli britaniyalik tadbirkor va retro avtomobillar kolleksiyachisi noyob sportkarning yangi egasi bo‘ldi. Tadbir Shtutgartdagi “Mercedes-Benz” muzeyida bo‘lib o‘tdi, u o‘sha kuni keng jamoatchilik uchun yopiq bo‘lgan.

O‘shanda Germaniya avtogiganti kompaniyasi ikkita “300 SLR” modelini ishlab chiqargan. Biroq ularning hech biri poygalarda qatnashmagan. Shu bilan birga, avtomobillar umumiy foydalanishdagi yo‘llarda harakatlanish uchun ruxsatnomaga ega edi.

Mashinalardan biri brendning sinov bo‘limi boshlig‘i Rudolf Ulenxautga xizmat mashinasi sifatida topshirilgan. Aynan uning sharafiga sportkarga “Uhlenhaut Coupe” laqabi berildi.

• Mercedes-Benz