Mercedes-Benz kompaniyasi quvvat zaxirasi 1000 kilometr bo‘lgan elektromobil prototipini namoyish etdi.

Ma’lum qilinishicha, kompaniya o‘z mijozlarga zaryadlash infratuzilmasi yo‘qligining elektromobil sotib olishga to‘sqinlik qilmasligi kerakligini ko‘rsatmoqchi. Ta’kidlanishicha, bozordagi aksariyat elektromobillar 200-300 milya (taxminan 321-482 kilometr) yurish zaxira masofasiga ega.

Qayd etilishicha, avtomobil ishlab chiqaruvchisi real transport sharoitlarining ichki simulyatsiyasi yordamida diapazonni hisoblab chiqqan. Kompaniyaning ma’lum qilishicha, 2022-yilning bahorida u Vision EQXX’ning yo‘l sinovlari uchun versiyasini namoyish etishni rejalashtirmoqda.

Xabarga ko‘ra, elektromobil Mercedes-Benz’ning “Formula-1” va “Formula Ye” jamoalari bilan birgalikda yaratilgan. Xususan, model tomi quyosh batareyalari bilan jihozlangan, salonga avtomobilning butun eni bo‘ylab 47,5 dyummli ekranli multimedia tizimi o‘rnatilgan.

Shuningdek, avtomobil og‘irligi 1750 kilogrammga teng. Energiya iste’moli esa 100 kilometr uchun 10 kilovatt/soatni tashkil etadi.

Ma’lumotlarga ko‘ra, kompaniya ishlab chiqarish rejalarini hali oshkor etmagan.

• Elektromobil
• Pirotexnika