Yangi harbiy yordam paketi doirasida Ispaniya Ukrainaga hozirda yetishmayotgan IRIS-T batareyalari uchun raketalar beradi.

Bu haqda Ukraina prezidenti Vladimir Zelenskiy Madridda Ispaniya bosh vaziri Pedro Sanches bilan o‘tkazgan matbuot anjumanida ma’lum qildi.

“Bu havo hujumidan mudofaa raketalarini ham o‘z ichiga oladi. Bizda qish mavsumida katta taqchillik bor. Bunda aniq paket — IRIS-T havo mudofaa tizimlari uchun 40 ta raketa”, – degan Ukraina rahbari.

Shuningdek, Zelenskiy va Sanches uchrashuvida mudofaa sohasidagi hamkorlik, Ukraina energetika sohasidagi muammolar va diplomatik vaziyat muhokama qilingan.

“Bugun biz Rossiyaning doimiy zarbalari sharoitida mudofaa sohasidagi hamkorligimizga katta e’tibor qaratmoqdamiz. Ukraina Ispaniyaning yordam berishga tayyorligini va kelajakda bu davom etishini chin dildan qadrlaydi”, – deydi Zelenskiy.

Unga ko‘ra, Ukraina va Ispaniya birgalikda yuqori aniqlikdagi qurollarni ishlab chiqarishga tayyor.

• Ispaniya
• Raketa
• Ukraina
• Zelenskiy