Milliy aeronavtika va koinot agentligi – NASA o‘tgan yilgi “Artemida-1” (“Artemis I”) oy missiyasi natijalarini sarhisob qildi. Agentlikning ta’kidlashicha, natijalar barcha kutganidan yaxshiroq bo‘ldi: “Orion” kosmik kemasi Yerga zarar yetkazmasdan qaytdi va barcha muhim ko‘rsatkichlar butun parvoz davomida normal bo‘lib qoldi. Shu bois, agentlik insonlarni Oyga jo‘natishni nazarda tutuvchi ikkinchi bosqichga tayyorgarlikni allaqachon boshlab yuborgan. Bu haqda “IFLScience” nashri xabar berdi.

“Artemida II” (“Artemis II”) missiyasi taxminiy ravishda 2024-yilning noyabriga rejalashtirilgan. Missiya doirasida odamlar mavjud kosmik kema Oy atrofida bir necha marta aylanib, Yerga qaytadi. To‘rtta astronavtdan iborat ekipaj joriy yil oxirida e’lon qilinadi.

“Ekipaj qachon oyga uchishini intiqlik bilan kutamiz. Artemida I missiyasi davomida o‘rganganlarimiz asosida hozir bizni hech narsa to‘xtatib turmaydi”, – deydi Milliy aeronavtika va koinot agentligi (NASA) rahbari yordamchisi Jim Fri.

Agentlik, shuningdek, 2025-yilga mo‘ljallangan uchinchi bosqichni ham rejalashtirmoqda. Bu odamlarning Yer tabiiy yo‘ldoshiga to‘g‘ridan-to‘g‘ri qo‘nishni o‘z ichiga oladi – 50 yildan ortiq vaqt ichida birinchi marta.

“Artemis I“ NASA’ning Kosmik uchirish tizimi (CLS) megaraketasi va “Orion” kosmik kemasi uchun birinchi sinov parvozi bo‘lgan. Qurilma koinotda 25 kundan ortiq vaqt o‘tkazgan, Oy atrofida ikki marta aylanib chiqqan, shundan so‘ng u Tinch okeaniga muvaffaqiyatli “parchalab” yuborildi.

“Artemida I” missiyasi “Orion”ning sinov parvozi edi. Birinchi bosqich doirasida bortda manekenlar bo‘lgan. NASA kemaning atmosferadan xavfsiz o‘tib, odamlarni Yerga qaytarishiga ishonch hosil qilishni istagan va aftidan bu ish amalga oshiriladi.

Joriy yilning yanvarida Oy so‘nggi 1000 yil ichida Yerga eng yaqin masofaga yaqinlashgan. O‘shanda tabiiy yo‘ldosh va sayyora o‘rtasidagi masofa 356 ming kilometrga yetgan edi.
Qayd etish mumkin, oyning orbitasi aylana emas, balki ellips – bir oz cho‘zilgan doiradir. Shu sababli, sayyora va tabiiy yo‘ldosh orasidagi masofa doimo o‘zgarib turadi.

• Kosmonavt
• NASA
• sayohat